De Kriech, umgangssprachlich

De von un zu Guttenberch spricht uff hochdeitsch von nem umgangsprachliche Kriech in Afganischdan – Grund genuch misdrauisch zu werre.
Was is also eichentlich so e umgangsprachlicher Kriech?
Schaue mer uns mol an, was in Afganischdan momendan so bassiert: Do kämpfe Soldade von de Bundeswehr mit Amrikanern un Britten un viele annere gege die Taliban un weidere Gruppe aus de dordische Geschend. Die Auslänner kämpfe weil se zu Haus ihr Ruh vorm Terror ham wolle un die Afghane kämpfe weil se zu Haus ihr Ruh vor Fremde winsche. Also werd verwund un getöd un es is net klar wie die Sach in Afganischdan mol ausgehe werd – eichentlich alles genauso wie im rischdische Kriech.

– Kurt A. Hauser (April 2010)